Вчера вечер во Европа одекна силно веста за фудбалско спојување на две лиги. Белгија и Холандија ќе се спојат за посилен квалитет но и поголем профит за да може да имаат во текот на сезоната.
Водечките белгиски фудбалски екипи денеска поддржаа можна заедничка лига со холандските тимови.
Како што официјално е соопштено, Генералното собрание на белгиската Про Лига изгласа едногласна поддршка за „начелен договор“ околу новото натпреварување, што ќе го носи името „BeNe“ лига.
Холандските и белгиските клубови со месеци разговараат околу деталите и форматот на новото натпреварување, но формалниот предлог допрва треба да биде претставен.
Проектот предизвика загриженост меѓу дел од навивачките групи, кои стравуваат дека би биле фаворизирани само големите клубови од двете земји. Дали ќе има успех, како ќе биде прифатена од јавноста и како ќе биде пречекано од послабите и помалите клубови во двете земји допрва ќе ги видиме реакциите.
Белгиските медиуми објавија минатата година дека ревизорската куќа „Дилојт“ пресметала оти спојувањето на двете лиги би можело да донесе профит од 400 милиони евра во маркетинг и телевизиски права.
Вредно да се напомене дека пред некоја година и кај нас требаше да има нешто слично и да се врати стариот сјај на дерби натпревари од типот на Партизан – Динамо Загреб или пак Ц. Звезда – Вардар, но не дојде до договор и сета таа идеја некако отиде во заборав, па може кога еве две европски земји ќе се спојат и направат успешен модул, можда и кај нас ќе се реактивира идејата за нешто слично.
