Ќе има фудбал сега засега, но прашање е доколку се влоши целосно ситуацијата може да не снајде ланското сценарио, тоа значи дека секој дуел е финале за тимовите за опстанок и за шампион. Саатницата се менува, фудбал ќе се игра, спорт сега засега ќе имаме.
Комисијата за натпревари при Фудбалската федерација на Македонија реши веднаш да дејствува и по воведувањето на нови рестриктивни мерки на територијата на целата земја, реши да направи промена на саатниците за претстојните дуели.
Преку официјален допис, ФФМ извести дека натпреварите од ПМФЛ, двете ВМФЛ и Куп-дуелите ќе се одиграат со почеток од 13:00 часот во наредниот период додека се на сила новите мерки.
Почитувани,
Ве известуваме дека поради засилување на антиковид-мерките и воведување на полициски час на целата држава од 20:00-05:00 часот, Комисијата за натпревари на ФФМ донесе одлука сите натпревари од Прва, Втора МФЛ Исток и Запад и Куп натпреварите да започнуваат од 13:00 часот, сè додека е на сила полицискиот час.
Одлуката стапува на сила веднаш“, стои во соопштението.
Во периодот до 20 април, до кога важи овој сет на мерки се планирани три кола од Првата и две од Вторите лиги, а за в среда се закажани и полуфиналните дуели во Купот на Македонија. Така, сите овие натпревари, барем во наредните две седмици ќе се одиграат од 13:00 часот.
