Додека сите се прашуваат што работи ФК Вардар периодов од кога има ново раководство, полн погодок дојде до некои ексклузиви па и тоа многу интересни кои бар даваат надеж дека Вардар набрзо ќе се врати на старите патеки. Имено новиот сопственик Слободан Крстевски потврди дека се остварени средби со клубови и компании но ајде со ред едно по едно.
Најпрво е остварена средба со потпретседателот на белгискиот тим Вестерло каде е договорена идна соработка и пријателски натпревар во рамки двата клуба да имаат што подобра и блиска соработка.
Она што е многу интересно покрај овој состанок, првиот човек на ФК Вардар Слободан Крстевски имаше средби со раководствата на клубовите Фенербахче и Бешикташ каде целите се што повеќе подобри соработки во иднина на секое ниво.
За сите оние кои нели се прашуваат што, каде како со ФК Вардар интензивно се работи и на спонзорства каде првиот човек на ФК Вардар вредно работи и имаше состаноци и средби со две големи компании кои би биле изненадувања за сите кога ќе дојде до завршен чин од преговорите.
Во делот со фудбалските клубови и раководствата исто така е разговарано за размена на тренери за едукација за младинските школи, нешто што е приоритет на ова ново раководство и градење и создавање на фудбалери, што значи дека веќе се размислува на долги стази кога младинскиот погон е приоритет што ќе ги израдува сите навивачи, фанови и симпатизери на ФК Вардар. Она што го имаме како потврдена информација е дека ќе се направи едукација на тренерите во камповите на ФК Барселона.
Во вториот дел од сезоната ќе се работи, барем така е предвидено со комплетна нова програма и ќе се обрне таквиот ритам и систем уште од младите категории за да има што помалку повреди кај фудбалерите, нешто што кај нас многу малку се обрнува внимание и младите фудбалери брзо горат во фазата на докажување.
Раководството на ФК Вардар не застанува тука, најново инфо е дека во фаза на подготовка да се оспособат уште два комплетно нови терени во две населби во Скопје за подобри услови за самиот клуб.
Па авторски завршен коментар по толку информации каде ФК Вардар со ова ново раководство направи за еден месец многу повеќе од минатото, најважно е дека се има зацртан план и програма, сите се надеваат на брзо враќање и повторно на старите патеки на нашиот најтрофеен фудбалски клуб.
