ИДЕМЕ УШТЕ ЕДНА СЕЗОНА !!! ГРАНДЕ СТАВИ ПОТПИС ДО ЈУНИ 2022 !!!
Најдобриот македонски фудбалер во историјата, Горан Пандев нема да запре со клупскиот фудбал, откако го продолжи договорот со Џенова.
Како што веќе се шпекулираше, струмичанецот парафира соработка на уште една сезона, поточно до 30 јуни 2022 година. Џенова сакаше да го задржи, а Пандев не беше спремен за пензија и договорот беше навистина лесен. Иако ја напушти репрезентацијата и стави крај на настапите во националниот дрес, „Гранде Пандев“ ќе одигра уште една сезона во Серија А.
Досега, Пандев за Џенова има 156 настапи во Серија А, изминатите неколку сезони со своето искуство имаше огромен придонес во битката за опстанок во лигата. Клубот на оригинален начин го претстави продолжувањето на договорот. Џенова на својот Твитер профил напиша: „Еј Сири, пушти ја плеј-листата Горан Пандев“, мислејќи на опцијата за гласовно пребарување на мобилните телефони.
Во италијанското калчо, Пандев постигна 101 погодок во сите клубови за кои настапуваше, во очекувење контото да порасне оваа сезона..
