Конечно да напишеме и за убави работи, односно поубави не може да биде кога дебитираат млади деца во првата македонска фудбалска лига, покрај тимот на Академија Пандев кој лансираа ново младо име, и ѓорчевци со смел потег кој до сега се покажа како добар накај одличен, младиот Стефан Тасев кој има неполни 17 години дебитираше помеѓу стативите. И овие работи се за почит кон секој клуб, да треба да им се дава шанса, и треба да се водиме по ваквиот начин на работа, за сега Стефан добро се снаоѓа со оглед на неговите години и фудбалското искуство толку млад да застане помеѓу стативите.
Па битката е почната, Шкендија со Дашмир Елези, Академија Пандев со Мартин Ѓоргиевски, сега и Македонија Ѓорче Петров во името на Стефан Тасев е показател дека може да се работи и создаваат фудбалери и веќе на 16 – 17 годишна возраст да се дава прилика и шанса да се заигра прволигашки фудбал. Секоја чест за Стефан и сите клубови на ваквите смели потези, сепак не е страшно да се даде шанса да се игра со млади надешни фудбалери зар не?
Убави фудбалски моменти се ова за мак о фудбалот и голем поздрав до сите клубови кои носат одлука за ваквите моменти, и да разјасниме ова е работа на клубовите и на никој друг, да не си ставате плусови и минуси дека некој друг допринел за ваквиот развој на фудбалот.
