Рафаел Надал се штити и штеди колку што може пред Ролан Гарос и Вимблдон па го снема повеќе од еден час откако го победи Американецот Џон Иснер
Шпанскиот тенисер Рафаел Надал се пласираше во осминафиналето на турнирот во Рим, откако лесно го совлада Американецот Џон Иснер со 6:3, 6:1, и потоа „се зазгуби“.
Шпанецот веднаш по мечот стапил во контакт со својот тим и побарал итно да му најдат терен за тренинг. Така тој практично не го оставил рекетот, туку само продолжи на следниот терен да се подотвува за продолжението на турнирот и за потенцијална средба со светскиот тениски рекет број еден Новак Ѓоковиќ.
Поради тоа новинарите го чекаа повеќе од еден час на прес-конференцијата, по што дојде и по извинувањето објасни што се случило и со какви проблеми се соочува.
Според него, тој сакал да биде што подолго на теренот, за да ја најде вистинската форма пред Ролан Гарос.
-Јас сум јасен откако се вратив на теренот. Работам напорно за да дојдам во вистинска форма и да се чувствувам подобро на теренот. Морам да го надополнам времето што го пропуштив поради повредата, се наближува Ролан Гарос. Единствениот начин да се стигне до целта е да се работи. Натпреварот со Иснер не беше физички напорен, чувствував дека се уште можам да работам. – изјави Надал.
Новинарите во „вечниот град“ го прашаа Надал и што мисли за потенцијалното одземање на бодовите на Вимблдон поради санкциите кон руските играчи.
-Разбирам дека ова е важна тема за медиумите, но сега сме во Рим. Роланд Гарос па потоа и Вимблдон ќе започне за неколку недели. Наше е да го заштитиме интересот на секој играч, нема совршено решение и мислам дека многу поважно е овие работи да се решат внатре меѓи организаторите на турнирот и АТП, заклучи Надал.
