Прашање на време беше кога Александар Маленко ќе не врати во една тажна спортска реалност зошто немаме, и зошто имаме спорт, во целост неговото писание од социјалниот медиум фејсбук ви го пренесуваме во целост.
Господа Заслужни Олимписки Спортски Колеги (за жал малкумина во вистинска смисла и тежина на зборот-Заслужни)
Ви се обраќам јавно,со намера барем во иднина да не се омаловажувате лично и вашите врвни спортски успеси кои сте ги постигнале со многу труд,макотрпен тренинг и строга спортска дисциплина,за некој и некои упорно децениски Ве злоупотребува,манипулира од позиција на Власт,за “малку финансиски добра и позиции,а исклучиво на штета на целокупниот македонски врвен олимписки спорт.
Ќе Ви доловам само еден свеж пример,кој итекако треба секој сериозно да се подзамисли,дали ќе продолжи по сериозно започнатиот крив пат за МКД Олимписки Спорт,или секој ќе закочи и јавно недвосмислено ќе ги праша одговорните лица во Македонски Олимписки Комитет и Агенција за Млади и Спорт,следново :
1. Зошто Македонија веќе 25год нема Национална Олимписка Асоцијација (членка на WOA – World Olympic Association)во која активни членови и оснивачи се олимписки спортски федерации,придружни членови се неолимписки спортски федерации,од која и исклучиво се избира извршно раководство на Македонски Олимписки Комитет ;
2. Зошто Македонски Олимписки Комитет
е запишан во централен регистар на Македонија како здружение на граѓани,
а не како е легитимно правно издржано здружение основано од олимписки и
неолимписки спортски федерации ???
3. Зошто Македонија нема Национална АнтиДопинг Агенција,облигаторно тело согласно потпишан меморандум за Меѓународна АнтиДопинг Контрола и земени над 300.000 долари донации за опрема ???
4. Зошто Раководство на Македонски Олимписки Комитет нема јавно истакнато активност (техничка,финансиска,спортска) на своја официјална веб страна за последни 2 год,а истиот МОК има користено буџетски средства над 60.000.000 ден???
5. Зошто никој од Вас,почитувани заслужни спортски колеги не се осмели сето ова јавно да го праша Претседателот и Извршниот Потпретседател на МОК,пред Претседател на ИОК Г-дин Томас Бах и Претседател на ЕОК Г-дин Капралос,ако имате визија и сенс за врвен спортски успех ?!?
-Или побитно беше да се сликате со нив и објавете на социјални мрежи каде и со кого сте,како и,не дај боже Ви се налутат претпоставените и Ви укинат спортски ваучер лично за Вас и спортска стипендија од меѓународен карактер (по категоризација реална и светска на 99% треба да им се укинат веднаш,пошо се на терет на држава години и години со рекреативни подвизи)..,
Жалосно и трагикомично
-Спортски Поздрав, ако воопшто знаете
што е тоа и што значење има…
